من شباب الفيس للكوريين: كل الطيارين يطلعوا مرة واحدة عشان ماحدش يذلكوا 30 سنة

من شباب الفيس للكوريين:  كل الطيارين يطلعوا مرة واحدة عشان ماحدش يذلكوا 30 سنة
من كوريا شمال

كتب- معتز راشد:

فى الوقت الذى تشتعل فيه الأحداث والتهديدات بين الجانب الكورى الشمالى والولايات المتحدة الأمريكية من جانب، تشعتل فيه حملة من الكوميدية الساخرة تجتاح مواقع التواصل الاجتماعى من قبل المصريين كعادتهم فى خفة الدم على اى احداث تشهدها المنطقة.

ومن ابرز تلك التعليقات الساخرة:

• العالم كله مرعوب من حرب عالمية تالتة و حرب نووية شاملة ماعدا الشعب المصري نفسة الحرب تبدأ علشان يلحقها من أولها.

• أنا اللي صعبان عليا الجنود الامريكان كل مايقتلوا واحد كوري ويشوف واحد تاني يقوله “أنا مش لسه قاتلك من شوية”.

• يا خوفي بقي ليكون كل إلي بيعمله الرئيس الكوري ده كله “كذبة إبريل”.

• عاجبنى أداء الرئيس الكورى أوى …وعلى فكره انا مش كورى بس بحترمهم .

• بيقولك الإدارة الأمريكية تبحث حظر الفيس بوك في مصر للتركيز في حربها مع كوريا.

• عاجل | المحكمة الدستورية الكورية تلغي قرارات الرئيس بإعلان الحرب على أمريكا.

• الخوف إن كوريا تطلع اي كلام ونلبس في لاجئات كوريات.

• قطر تتطلب استضافة الحرب العالميه الثالثة بين كوريا وأمريكا على ارضها.

• شباب الثورة في كوريا محضر جرافيتي واحد بس للشهيد وبيغيروا في الاسم.

• كنا هناخد الدورى قامت ثورة فى معظم الوطن العربى قولنا صدفة عااادى بتحصل : انما حرب عالمية تالتة عشان كسبنالنا عشرة خمشتاشر ماتش، حرام وربنا ,, ربنا ميرضاش بالظلم.

• من كوريا شمااااال … بنهز جباااال .. وبأعلى صوت يونج قاهر الادغاااال..يا كيم يا كبير ..ياكيم ياعظيم..اديله نووى وبردو قليل.

• لو الجيل بتاعنا كان عايش أيام حرب اكتوبر و عمل الألش ده على اسرائيل كان زمان شارون و جولدا مائير و شيمون بيرييز انتحروا بسم فيران ووفروا علينا.

• لفي بينا يا كوريا دوخينا يا كوريا هاتينا شمال شويه هاتينا يمين شويه ادينا عايشين يا كوريا.

• والله انا خايف الحرب تشتغل من هنا يقوم النور قاطع.

• كوريا لو شافت الالش اللى المصريين عماله تألشه هتقلب الحرب علينا.

•رسالة إلى كوريا: كل الطيارين يطلعوا مرة واحدة عشان ماحدش يذلكوا 30 سنة .

•عاجل/ كوريا: طب وربنا لنيمك من المغرب يا امريكا.

•عاجل/ كوريا تستعين بنبيل الحلفاوي لتركيب الرؤس النويية .. اصلها ضيقة شوية .

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *