زماننا

زماننا
45104_1590618850421_8349666_n

كتب- فاطمة الشرقاوى

قالوا زماننا كان البطل

هو اللى قاد كل الأمم

وسط الحروب لكن وصل

بعزيمة و ارادة و همم

رد زمان تانى و قال

انا اللى غيرت مكانكوا

انا اللى معرفتش محال

بصّم مكانى فوق مكانكوا

رد عليه أول زمن

بصوت و عالى كالأسد

احنا اللى دافعين الثمن

بالدم و الروح و الولد

رد عليه التانى و قال

احنا اللى علّمنا و صنعنا

و اللى انضرب بينا المثال

و بالحضارة احنا اتعرفنا

ضربت انا كف بكف

حاولت أفكر فى حاجة أقولها .. لكن منين ؟!!

ده انا حتى خيبتى بالسلف

التفتوا فجأة و سألوا سؤال .. انت مين ؟!!

عجيب سؤالهم وملوش لزوم

معقول ميعرفونيش انا !!

طيب هجاوب على العموم

اسمع منى مين انا ؟ !!

انا اللى هدّيت الحضارة اللى اتبنت

و انا اللى شعللت الحروب بين الأحبة

و انا اللى منى طلع أجيال استهزءت

بالعلم و الدين و بالحضارة و اللى كتبها

انا زمانى زمن المناصب

مش بالكفاءة و لا بالشهادة

انا باللى سارق و اللى ناهب

مش للى عايش للعبادة

فرق كبير بينى وبينكوا

انا اللى هدّيت ما بنيت

انا اللى فضلت واقف مكانكوا

و شفت موتكوا ما بكيت

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *