إحساس مخيف

إحساس مخيف
61865_1636775724314_6939101_n

بقلم/ فاطمة الشرقاوى:

احساس مخيف

انك تدور متلاقيش نفسك معاك

احساس مخيف

انك تلاقى ان الحياه يعنى الهلاك

و ان معنى العمر ساعة

و الطريق مش كله طاعة

و ان اللى خلق الكون وخلقك

سترك و انت سايق فى غلطك

احساس مخيف

لما تلاقى شكل البشر فى نفوس أبالسة

احساس مخيف

لما يكون معنى الامل فى قلوبنا يائسة

او معنى بشر بالامل

ان الكلام مش محتمل

او ان ملكوتك هناك

مش معايا ولا انا معاك

احساس مخيف

لما تدور ع اللى باعك او ناسيك

احساس مخيف

لما تجرح فى اللى روحه ليك و فيك

لما يكون قلبك ظلم

و ما يحس قلبك بالألم

ما يحس غير بجرح قلبه

و جرح غيره مش بذنبه !!

احساس مخيف ..

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *