قلب نرجس .. مسرح شعري

قلب نرجس .. مسرح شعري
ام الشهيد

بقلم/ ريم حبيب:

جال إيه جم يقولولى عوضك على الله  ولدك مات يا نرجس قلتلهم كذابين انتم والله ولا مخبلين.

إيه الجلع المرق ده ولدى ده راجل مش متجلع ولدى كان عنده 24 حول وكان عيتجوز بعد سبوعين كيف يا خدوه هو فى عريس عيموت.

وفستان عروسته جواه عنديهولها الصبح وتقولولى مات ده عريس لو متزفش للبت ندى إلى بيحبها بقاله 5 سنين عيتزف لمين .

قالهالى من كام يوم قالى يا أما أنا حاسس إنى عموت يا أما قلتله اخرس يا واد انت اتخبلت ولا اتجنيت عاد ياض دا انت الواد الوحيد ليا.

على بنتين انت راجلنا بعد ما ابوك راح منينا  عتجولى عتموت وتسيبنى لوحدى الجذر عايز ينزل ويسيب الفرع بتاعه فى الدار لحاله   حرام عليك.

عتوجع قلبى ليه وقالى يا اما انا عنزل اقف واحمى الشارع معا ااصحابى قلتله لا منتاش نازل البلد عتولع جالى يرضيكى يا اما محمد.

صاحبى يزعل منى اكمنى موقفتش ولاخدت بالى من  ابوه فى الشده دى ولا ام تادرس تنزل الشارع  وتلبس توب الرجاله وتقف بدل، جوزها المرضان فوتينى يا ااماالله يرضا عليكى ابوس ايديكى كلها كام ساعه وارجع متخافيش قلتله ابوس ايديك انت اوعا ك يا ولدى.

حاسب على نفسك ولو جرالك حاجه عيروح من عنيا الضى  مش عقول غير الصبر يا رب خايفه عليك يا ولدى لكن مش عقولك  لا  بس.

عارف لو اطول ابوسرموش عينيك احب  على رجليك يا وليدى  متتاخرش قلبى مش نقصان يا ولدى ونزل وعينى غفلت يجى ساعه ولاساعتين كده وفوقت مفزوعه كيف ما يكون.

فى حنش هيطوق رقابتى   وشى عينهش فى قلبى ويقولى قومى يا هبله قومى شوفى ولدك وين وقومت جريت كيف المجانين ازعق عليه اقوله وينك يا ولدى  وقومت اصحى اخته قلتلها خوك جه ولا لا   قالتلى لا مجاش جريت على الشباك ازعق عليه مردش زعقت على طارق.

صاحبه مردش قلتلها غيتينى يا بتى قومى كلمى خالك يجى ينجدنى  وقعدت قدام التلفزيون.

وبتى عينيها عتقتلنى باسئله هو احنا يا اما  اايه مش بنى ادمين ولا ايه مش واكلنا من طين   ولا احنا حمير وقرود على الشجر متعلقين هو  البيه يفضل فى قصر عالى وصوتنا يتنبح غور ارحل بقا ميرحلشى.

لانه مافاهما شى ويجيبولنا جمال وحمير يدهسونا كيف البعير  قلتلها خبى عنيكى كفياكى اسئلهبقا معرفلهاش اجابه  و الناس لساتها  هتتقاتل على الكوبرى وبينهم شابين  بيحاولو يفضو بينهم .

ومش قادرين وجابو شكل واد كيف البدر مكنش واضح شكله لكن كان طالع منه نور وخوفت وقلت ولدى    وينه بس راح وين  وشميت ريحه جميله تقولوش مسك .

وجه اخويا وجالى عوضك على الله يا نرجس قولتله اخرس ولدى ما ماتش هتقولولى شهيد  يبقى  لساته حى.

وهيتشفعلى وهيدعيلى هناك عندربنا  بس مرارة ووجع بعاده تقيله جوى امى  كانت زمان عتقوليوم ما  خويا الصغيرمات فى بحرالبقر كلام  من المواوى ابو رابه كان عيقول من قلب.

ام لولدها وعشتالك على صدرى وهمشيك بك بلاد الله ومن قلبى لو تعطش عجيبلك مية المحاياه وحين ما تنام عطيارلك ضفايرى حمام .

وحين تصحا ندى عمرى  هسلملك لجام ممهرى هكون سيفك وسيافك  طبيبتك لو تقولى اه واديك قولتها وصرخت بيها وانا منجدتكش ليه انا الى سيبتك تضيع.

من يدى ولا ايه حياتى انت يا ولدى  دموعى معتنزلش وقلبى موجوووووع اه عقولها بتحرق صدرى اههههههه يا ولدى كيف قدرت.

تسيبنى   لوحدى وفى الجنازه شوفت ناس كتير معيرفوش ولدى بس زفوه معايا والنساوين زغردوا للشهيد فى زفته ومن بعدها فى يوم  قابلت  ام سالى وقابلت.

ابو كريم  وام العيله الصغيره هدير الى قتلوها يا قلب امها وهى فى الفرنده  بتطل معا اامها والواد الصغير ابن الدكتور احمد بسيونى.

الى كان عيسئل بابا فين وسته عمالا تبكى ومش عارفه ترد كل دول عيقولو حسبى الله ونعم الوكيل هو البيه كان قاعد فى مقعد حرير.

وسايبنا نهاتى ومعبرناش وهو والبهوات كانوا عنا مش سائلين ونقول ارحل معيرحلش غور معيغورش امشى بقا ولا مفهمشى وبتار.

ولادنا رقبتك بتتطوق  وعناخد الحق لان صنه عند الله الحق والىى عنده معيضيعش  واه يا ولدى واه يا عريس كفى لساه متحنى.

بريحتك ميتا ناخد تارنا ميتا نبرد نارنا كفيانا بقا كده اوعاكم تقولو البلد  ماتت اوعاكم تحسسونى ان دم ولادنا راح هدر ارجعوا تانى جنب.

بعض وقوموها بدل ما هى واقعه اكده عوضى عليك يا صاحب العوض ولادك مع يخذلوكى واصل يا بلد عوضى عليك يا صاحب العوض.

ولادك مع يخذلوكى واصل ضاع منك ولد كيف الدكتور علاء  يا قلب امه يتقتل اكده ويروح فطيس ولا التانى الشيخ الكبير و عياله شيلين.

تصويرته وعيبكوا ولا الولد المهندس   والدكتوره عيذلوها ونفوخها يفتحوه  والتالته عروها ويقولو ايه الى جابها هنى ولا ملبساش وانتم.

مالكم لكن عنقول لمين دى حتى الست الكبيره  اتجرت من شاعرها والواد الى اترمى فى الزباله يا ولداه امه كانت معانا وعتزغرد.

وعتغنى يبلادى وتقول كل الى عايشين دول هما ولدى ولدى ما ماتش   وفيكى كتير جدعان هيداوو جراحنا   وعيروحوا فداكى  ودم.

الغالين باقى .سامح  ولدى وكل اصحابه فى السما نجمهم  عالى ودمهم  محنى الكفين وريحته وين ما عنروح عنلاقيها  هقولك عوضى.

عليك  ومهنساش واصل تار ولدى  لو هتحكم منورادقنك يابيه افتكر ان الواد لولاموتهمكنتوش هاتيجواولاهتجوم لكم قومه ودلوقتى بقينا احنا الى ولادكلب حسبى الله ونعم الوكيل فيك يابيه.

مهنساش  التار التار باقى.   والبيه القاتل اخد براءه ياولاد زغروده عاد والعقل خلاص منى هيشت يلى بتحكم.

بشرع الله ولدى فات على موته سنه والتانيه جايه ولسه ا لبيه برىءودم الولا مغطى كفوفه هو ده شرع الله يامسلمين يا ناس يا هو.

حد يقولى ده فى شرع مين لكن العدل على الجميع ماشى وهارس رقاب المظلومين ورافع راية الظالمين رافع راية الظالمين يا مسلمين.

الى يعرف نجيب حقنا من مين يقول  لحسن من مر الظلم مش مستحملين والظالم بقا يطلع مين؟

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *