أيام

أيام
216533_2028955488563_768971_n

بقلم/ فاطمة الشرقاوي:

تيجى أيام و تروح أيام

و الأحزان مبتستسلمش

بكرة أهو جاى و معاه أحلام

جايز برده متتحققش

عدى يا دنيا كل حدودك

ثورى عليا و أنسى وعودك

غدرك طبع برأى شهودك

و أنا مش هطلب منك جودك

أيوة زمان كتبت كلام

غير كده لكن حبرى مجبش

لأخر السطر .. كأن ختام

جملة فرحنا مبتكملش

خليكى كده خلف خلاف

كل أما افرح شدى لحاف

فرحتى غطيها لتتشاف

قلبى بقى من الفرحة يخاف

هملا أنا حبرى فى الأقلام

و هكمل جملة مكملتش

هكتب أخر السطر سلام

على دنيا خداعها ميعبش

التعليقات

  1. تحياتى لإبنتى : فاطمة عبد العزيز الشرقاوى …
    فهذا النظم … تحمل كلماته .. معاناة كل من له قلب سليم وفكر قويم ونفس ذكية … ولا عجب …. فإن هذه الكلمات تصور هذا السجن الذى يحيا بين أسواره هذا القلب وتلك النفس…
    تحية إليك إبنتى ونفع الله (سبحانه وتعالى ) بك مصر وزادك إحسانا وتوفيقا…

    الدكتور / عبد العزيز الشرقاوى
    كلية الهندسة – جامعة القاهرة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *