” السياسة ”

” السياسة ”
184240_1908943848347_580802_n

فاطمة الشرقاوى:

 فيها ايه لما اقول

انى محبتش السياسة

الحبيب لما يلقى حبيبته

كتروا عليها الحراسة

يقول انا اصلا كارهها

و جوا منه كام استغاثة

و فيها ايه لما اقول

ان السياسة يعنى النجاسة

اصلها نقدت وضوئها

لما عاشرتها الرياسة

و فيها ايه لما اقول

جهل السياسة

ايوة جاهلة

علشان منهجها فى الدراسة

سمعا و طاعة

لكل من مسك الرياسة

و فيها ايه لما اقول

عنها ما لها عازة

لما يحكمها واحد بفكر واحد

و الباقى ملهوش فى السياسة

يوم ما تفك كل قيودها

و اما تتشال عنها الحراسة

و اما تعيد تانى وضوئها

و اما تطهر من النجاسة

و اما يشيلوا فكر واحد

قالوا عنه منهج دراسة

ساعتها بس اقدر اقول

انى عاشق للسياسة

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *