عقل احتياطى

عقل احتياطى
206648_1993468601413_4024468_n

بقلم/ فاطمة الشرقاوى

ادينى بس عقل احتياطى    

بشوف فى ناس قدامى تضحك

و من ورايا تنقد سكاتى

و اجى اعاتبها تقولى ابدا

عملت منهم لحن لألاتى

ادينى بس عقل احتياطى …

باسم الكرامة فى ناس بتنده

و عشان مصالحها تطاطى

و تمد ايدها للى يوزع

قدامى تدعى و تقول يا عاطى

ادينى بس عقل احتياطى …

و ناس وشوشها مش مستحية

مكشوف نفاقهم مش مستغطى

يجى الأذان يدن تقول

الى الصلاه الا صلاتى

ادينى بس عقل احتياطى …

بشوف فى واحد ألف وش

كأنه وش عجين مطاطى

خلاص تعبت و عقلى وش

ادينى بس عقل احتياطى…

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *