حسنة قليلة

حسنة قليلة
1362180707843

بقلم/ فاطمة الشرقاوى:

حسنة قليلة لثورة ما تمت خاب فيها من زرع

طب بجميلة لخال و عمة من مات و اتوجع !!

أنا فى الثورة وقفت مكانى أهتف ويا سقوط

يسقط يسقط و أهتف تانى يسقط حتى الموت

قام متنحى الريس فجأة جه للشعب هبوط

قال بزيادة وقفنا كفاية يلا لبيتنا نفوت

فات الشعب لبيته مزقطط قال الثورة تمام

ونسى الصعب فضل يتنطط انا أسقطت نظام

سمعه التانى قال لأ عندك .. ده انا اللى حميتها

قال و انا مالى انا كنت فى حالى بكتب هتافتها

قاله لولايا ما كنت كتبت و لا عليت صوتها

راح مديله التانى قوام بالجزمة اللى لابسها !!

سيبنا الفرحة نسينا الثورة و فضينا للاتنين

نسيوا الجرحى و قالوا مؤامرة و بدأنا التخوين

سامعة الثورة جاية بتجرى على حس صويتنا

قالت مالكوا ؟!! قلنا مجايبك شعللت الفتنة

قالت خدنى يا رب و لا تحرمهم وحدتنا

و ادى جزاء اللى موحدش الصف اللى جمعنا

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *