شذرات فكريه حول الوعكه الوطنيه..

شذرات فكريه حول الوعكه الوطنيه..
مصر الحزينة

(سؤال وعشرة أجوبه).. بقلم : خالد شهاب.

س : ليه أحنا فى أزمه ؟

ج1 : عشان احنا عملنا ثورة .

ج2 : عشان كان فى البلد قبل الثورة نظام هد كتير من أركانها وأهدر ثرواتها

وزرع الفساد فى كل مكان حتى نخر السوس كل ركن فيها .

ج3 : عشان أحنا بعد الثورة مش أيد واحدة وكتير مننا بيحاول ياخد نصيبه من
الغنائم ولو على حساب الوطن والوطنيه .

ج4 : عشان أحنا محدش فينا عارف يدير أى حاجه متولى أدارتها من أول
رئاسه الدوله ومروراً بالوزارء وقيادات الصحف والأحزاب وحتى أصغر
مدير لأصغر منشأة لأن النظام اللى فات لم يعطى فرصه لأى حد ليكون مدير
حقيقى ورأيه من دماغه .

 

ج5 : عشان مصر دوله كبيرة ومهمه وأعدائها الخارجيين لن يتركوا لها فرصه

ج6 : عشان أحنا جداد على الديموقراطيه ولسه بنتعلمها واللى بيحصل ده طبيعى

ج7 : عشان أحنا شعب فرعونى أصلاً و لا تنفع معنا الديموقراطيه وغير مؤهلين
لها لا الأن ولا بعد مليون سنه .

ج8 : عشان أحنا بندخل الدين فى السياسه والسياسه فى الدين وهذا ما أفسد كل

شئ .

ج9 : عشان بننسى إن أحنا فى الأساس شعب أغلبه مسلم وكله متدين ومع ذلك لا نريد أن يكون للدين أى دور فى تنظيم الحياة ومصرين على أستيراد نظم لاتتوافق
مع بيئتنا ولا أخلاقنا ولا تديننا .

ج10 : عشان الفقر والجهل اللى عشنا فيه سنين خلانا مش قادرين نفهم مايدور
حولنا بشكل مناسب ونقدر خطورة الوضع الذى نحن فيه فنشاهد الأحداث ونتفاعل معها كما نشاهد ونتفاعل مع مباراة لكرة القدم .

خالد شهاب المحامى
المكتب القانونى لاتحاد شباب الثورة

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *