مش دافعين .. تتطالب المواطنين بعدم دفع الفواتير

مش دافعين .. تتطالب المواطنين بعدم دفع الفواتير
404930_215453598598607_1642679876_n

كتب- ياسمين حمودة:

أصدر شباب الثورة بكفر الدوار البيان الآول لهم اليوم حيث قاموا بعمل حملة جديدة تحت عنوان “مش .. دافعين” وجاء نصه كالتالي: “نحن مجموعه من شعب مصر …من شباب كفر الدوار … اتكوينا من نار الأسعار اللى خلصت على مرتباتنا.. واتبهدلنا في المواصلات…وواقفين طوابير قدام الافران وانابيب البوتجاز… وواقفين في طوابير البطاله ،، وكل ده وكمان جايين يغلوا الكهربا والغاز و حتي المياه اللي بنشربها ؟؟… واللي زاد وغطا بقي يا اخوانا…الانفلات الامني اللي في البلد…العربيات بتتسرق عيني عينك…واحنا بنتثبت في الشوارع عيني عينك…والمخدرات بتتباع علنا ..والبلد داخله علي خراب ألعن من الاول” .

وأضافوا في بيانهم “ونطالب ببساطه احنا عايزين العدل… عايزين حقنا في ثروات بلادنا..وعايزين نعرف المياه تمنها بيزيد ليه ؟؟ اذا كانت المياه بتيجي من النيل والنيل زي ما هوه …والكهربا بتيجي من السد العالي …والسد زي ما هوه وما اتغيرش … والغاز بيطلع من ارضنا … ومفيش حاجه اتغيرت..تبقي الفواتير بتزيد ليه ؟؟

ونطلب من المواطنين .. أولآ:الامتناع الجماعي عن دفع فواتير الغاز والكهرباء والمياه والتليفونات ،وركوب المواصلات العامه مجانا .

ثانيا .. الامتناع الطوعي عن العمل ،أذا لم تنجح الطرق دى في دفع نظام المرشد والاخوان لالغاء ارتفاع اسعار الغاز والمياه والكهرباء… يبقي الحل الاخير قدامنا ولابديل عنه هو العصيان المدنى الشامل
ده رأينا ………….أيه رأيكم ؟؟”.

وشدد البيان علي فكرة الوقوف جميعآ مع بعض ومنع أحد من شيل العداد من عند أي حد وأكد علي أن الحملة سوف تحقق العدالة الإجتماعية وإسقاط الظلم والقهر والاستبداد.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *