تخاريف محمد لطفى..

تخاريف محمد لطفى..
DSCF0946

عن المولوتوف والطوب والانتخابات..

فى علاقة ولا مفيش علاقة ياسمح الله بس علاقة شريفة طبعا.. هتعرف دلوقتى حالا وحلمك علية ياشيخ علام.. اما المولوتوف فهو لزوم المظاهرات السلمية تخصص حريقة ودلوقتى مفيش اساسا مطافى علشان تطفى الحريقة اصلها لسة ما بتصحاش بدرى زى الشرطة برضو .

اما الطوب فهو لزوم التحديف يمين وشمال والتالتة شمال لسة فاضية اصل الالتراس ممنوع من دخول الاستاد ومصرح لة دخول التحرير والحكم لسة ماصفرش صفارة النهاية وفكرتنى ببطل للنهاية والله يرحمك ياوحش الشاشة وكلها دلوقتى فريد شوقى الكل يضرب فى الداخلية وفى عسكرى المرور وفى امين الشرطة ومفيش حد عايز يضرب والله يرحمك ياعم محمود يا مليجى كنت بتضرب وبتحل المشكلة وكنا رجالة ووقفنا وقفة رجالة بس خلاص للاسف ماعدش فية رجالة الرجالة ماتوا فى يناير

اما الانتخابات فهى انتخابات مجلس الشعب اللى على الابواب وقلت مين على البيبان دق قالى افتح دة انتخابات قالت الانقاذ لا.

طيب ياعم اية الاعلاقة اخلص وخلص.. ياسيدى واضحة زى الشمس  مش برضو مفروض الاحخزاب والجبهات تسيب المولوتوف والطوب ولو مؤقتا وتتفرغ للانتخابات يبقى فية علاقة ولا مفيش يامتعلم يابتاع المدارس ولا خلاص زمن التعليم انتهى ودلوقتى هو زمن الفضائيات. طيب والنبى شوفلى فضائية اطلع اتكلم فيها شوية

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *