تخاريف.. محمد لطفى

تخاريف.. محمد لطفى
ثورة

انواع الثوار ..

الثوار انواع كاللحمة تمام فزى مافى لحمة بتلو وجملى فى كمان ثوار بالمولوتوف وثوار بالطوب وثوار باليفط وثوار سلمية ولم لى على الحاجة سلمية اللى ماتت فى المظاهرات والبقاء لله.

فثوار المولوتوف هم اغلى الثوار علشان الجاز والبنزين مش موجودين حتى فى البنزينة والسيارات طوابير طوابير وزجاجات المولوتوف متعمرين طيب يبقى الجاز والبنزين دة منين يمكن يكون هو سبب ازمة السولار.. والله يااخى انت خليت العقل طار وحتى لا يطير السولار رجاء على السادة الثوار تقليل كميات السولار والبنزين اللى فى الزجاجة وان شاء تبقى نصف زجاجة مولوتوف مش زجاجة كاملة وهذا من اجل الوطن وعربيات الاجرة اللى واقفة طوابير فى محطات البنزين .

وهناك ثوار الطوب ومهمتهم تحديف طوب مستمر بطول ايك ولحد ما يتخدل صابعك واحدف ياجدع واللى يحب النبى يورينى حدفتة هتوصل للضابط ولا للامين ولا للعسكرى وانا حاسس بعد كدة ان الطوب هيبقى عملة نادرة

والنوع الاخير هو ثوار السلمية وسلامى للحاجة سلمية اللى خدت رصاصة من قناص العيون الواد بتاع الداخلية اللى لا حس ولا خبر عنة وشكلة كدة ها يخرج فى مهرجان البراءة وادة جزاء سلمية اللى مشينت فى المظاهرات بدون مولوتوف ولا طوب.

التعليقات

  1. جامد جدا يا كاتب و احب اقوللك ان اللى مكتوب مكتوب و ان الوضع فى البلد دى مقلوب اهم كلمه بقت ( بكام )الله يجازى الإعلام خلى العدل مقلوب البلطجى ثائر و كمان بيحدف طوب و عجبى ..

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *