كفا ية دم…!

كفا ية دم…!
رفعت الفايد

بقلم – رفعت الفايد:

قطارات عمارات وحرايق نار، وبلا وسخامات
والدم يسيل ماهو شعب رخيص
ومراكب تغرق فى الظلمات
وحكومه أونطه وطن متاهات
بيلعبوا بينا الثعلب فات.

مسئول وكبير يحلف بجعير، ويمين الله
والفعل كلام وتهم تزو ير
ومعاهم ناس طبل، وزمامير
بيزوقوا أى غلط نشوفوه
ويداروا عليه كذب يغطوه
وتطلع ناس مش زى الناس
تبرر لينا كلام هجاص.

تسمع كلمات وتشوف هتافات
واّيات وحديث وفتاوى هبل
جهل وخرافات.

ووعود وعهود، وكذب مقصود
تبرير أخطاء بلسان مفرود
وعيون واسعين، ومهش شايفين
ولا حاجه تأثر فى السامعين
وكلام فى كلام ..مشاريع ركلام
ودم الشعب نازل حمام.

يا لطيف يا مغيث ارحمنا وشيل
دا الهم كابوس
والشعب شبع من عيش بالسوس
والمسئول عنه عليه بيدوس.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *