قضاء ميكس ,,,,,, كل حاجة و العكس

قضاء ميكس ,,,,,, كل حاجة و العكس
د/ايمان سلام

بقلم/ د/ ايمان رجب سلام:

مدرس مساعد منتدب بكلية العلوم

رئيس مجلس ادارة جمعية انقاذ حياة طفل بالاسكندرية و القاهرة و البحيرة:

ما شاء الله ,,,,,,,,,,,,, مرتضي منصور محاااااااامي احمد الزند في تهمة ,,,, خربشة خده

الاولاد عددهم تلاتة ,,,,,,,,,,, و هما بلطجية فعلا و بالتالي بيخدوا جزاءهم لان في اللحظة اللي انا بكتب فيها الكلام دا هما قاعدين في عربية الترحيلات ,,,,,,, و اليكم دليل البلطجة

خالد ,,,,, تانية هندسة و يا دوبج فاته امتحانين

عمر ….. طب بيطري

محمود ,,,, تانية تجارة ,,,,,,,, و برده فاته امتحانين ,,,,,, لا و ايه ,,,,,,,,, يطلع ابوه ظابط شرطة

و علي فكرة التلاتة من ثوار التحرير طول ال18  يوم

واضح ان ا لبلطجة دلواتي ,,,,,,,,,, لازم لها الشهادة الكبيرة

 

بلطجية بلطجية فعلا ,,,,,, يلا اهو زيهم زي الواد البلطجي اللي كان عنده آلي مخبيه تحت السرير في بيتهم و يطلع في الاخر يا دوبك ,,,,,,,, مهندس كمبيوتر و مبرمج في شركة بمصر الجديدة

بصراحة ,,,, رغم الارف اللي الواحد شايفه في البلد دي الا اني مبسوطة

 

اولا ::::: من الشباب اللي قدام المحكمة من الصبح ,,,,,,,,, عايزة اقول ان الشباب دول رجالة بجد ,,,,, دول اخدنها كعب داير من الصبح ,,,,,,, خصوصا ان القضا بيرقص الثورة علي واحدة و نص,,, و بيلعب شبابها علي الشناكل ,,,,,,,,, تسألوني ليه اقولكم ::::: القضاء الشامخ الصبح غير مكان المحكمة علي اخر لحظة لما خاف من الحشود ,,,,, فنقل مكان المحكمة من محكمة زينهم اللي في مجمع المحاكم بجنوب القاهرة الي محمة باب الخلق في الجنوب برده ,,,,,,, فاكرين ان الناس هتزهق ,,,,,,,,, بس علي مين ,,,,,,,,, الشباب اتحرك علي باب الخلق و قاعد لهم لحد دلواتي و مش عايز يمشي و مش هيمشي

 

ثانيا ::::: ان مرتضي افندي خاف يظهر و بعت واحد من مكتبه في حراسة مشددة عشان يقدم مذكرة ,,,,,,, المصيبة ان المحامي دخل المحكمة بعد ما التحقيق خلص و دا مخالف للمادة 152 من قانون الاجراءات ,,,,,,,,,, و بالتالي رفض المستشار محمد الشاهد المذكرة و دا موقف محترم من المستشار الشاهد يحسب له

 

ثالثا :::: ان رجالة مرتضي اتظبطوا و هما ماشيين

 

بالنسبة بقي  لجبهة الانقاذ :::: مش هسأل و اقول :::: هل هناك دولة؟؟؟؟؟؟ كما سأل الدكتور البرادعي و لكن السؤال الصحيح هو ::::: هل هناك ضميييييييييييييييير؟؟؟؟؟؟!!!!

 

و لا هما الاولاد دي ميهموش جبهة الانقاذ !!!!! ……… و لا الزند و مرتضي اعز عليهم من شباب الثورة اللي قعدوا في الميدان 18 يوم ,,,,,,,,, و لا الدولة عندهم مرتضي و امثاله

 

و بعدين بم ان تقرير الزند طالع من مستشفي خاص (مصر الدولي ) ,,,,انا بقي عايزة تقرير من مستشفي عاااااااااااااااام زي الميري كدا و لا القصر العيني العيادة الخارجية و يكون مختوم بختم النسر و لجنة ثلاثية كمان ,,,,,,,,,,,,,,,,, هو كدا زيه زينا و دي العدالة الاجتماعية ,,,,, و يا عالم مدفوع كام عشان تقرير زي دا

 

و اخيرا شكر خاااااااص لكل المحامين المتطوعين النهاردة

 

الاستاذ محمد رشوان ,, محامي شهداء اولتراس بور سعيد

الاستاذ ممدوح اسماعيل

الاستاذ محمد الريس ,,,,,,, مجموعة ضباط 8 ابريل

الاستاذ محمد صبحي ,,,, 6 ابريل الجبهة الديمقراطية

 

و علي الماشي كدا :::::

دلواتي و بعد الاحكام التاااارخيه للقضاااااااااااء الميكس ,,,,,, ببراءة كل المتهمين في موقعة الجمل !!!!! و براءة كل من قتلوا المتظاهرين !!!!! و براءة قتلة سيد بلال!!!!!! و استئناف المتهمين في قضية خالد سعيد و اكيد هما كمان براءة !!!!! و الحكم بسجن الشباب المتهم في احداث سيمون بولفار!!!!! علي الرغم من بطلان إجراءات القبض والتفتيش، وعدم توافر حالة من حالات التلبس وشيوع الاتهام!!!!!!! وعدم تحديد دور كل متهم وبطلان التحريات!!!!!!!

 

في النهاية عايزة اقول ,,,, مصر محتاجة معجزة من السماء عشان ,,,,,,,,,,, تنضف ,,,,,, الثورة لوحدها مش كفااية

 

و ليكي يا بلدي يقول

ليا مين ,,,,, غيرك يا بلدي .. ليا مين

يالي علمتيني ايه معنى الحنين

انتي اللي ارضك طيبة و الغربة فيكي اريبة

مشيين يا بلدي في سكتك

حريتك هي الطريق

بالصبر و الرأي الجريء ,,,,, بالحب يا بلدي

حياتك هي عمري ,,,,,, وقدرك هو قدري

حرية على طول الزمان

حب وسلام في كل مكان

و شرفك يا بلدي سحابة و تعدي

و برضه انتي بلدي

مهما يعملوا يا بلدي فيكي .. احنا ليكي

احنا بيكي ,,,,, دا احنا ياما خدنا منك ……..فيها ايه لو يوم نديكي

“احنا بتوع الاتوبيس ” شعر من فيلم

و اخيرا :::::   اللهم فك قيد سجناء الرأي و كلمة الحق  و حب الوطن ,,,,,   ضباط 8 ابريل

و الي الله المشتكي

 

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *