الحق احق ان يتبع

الحق احق ان يتبع
د/ايمان سلام

بقلم د ايمان سلام

مدرس مساعد منتدب بكلية العلوم

رئيس مجلس ادارة جمعية انقاذ حياة طفل بالاسكندرية و القاهرة و دمنهور:

علي فكرة في ناس من المعترضين و في الشارع دلواتي عندهم حق ,,,,,,,, يعني مينفعش نخونهم ,,,,,,,,,,,, ليه بئي؟؟؟؟؟؟

لانه بكل بسااااااطة مينفعش امضيلك شيك علي بياض في السابق و اللاحق ,,,,,,,, دا معناه اني شعب فاااااااقد للاهلية ,,,,,,,,, و حضرتك وصي عليه ياريس ,,,,,,, و الغاية لا تبرر الوسيلة ,,,,,,,,, و ما بني علي باطل فهو باااااطل ,,,,,,,, و كلنا عارفين ان السلطة المطلقة مفسدة مطلقة ,,,,,,,,, اللي حاصل في الشارع النهاردة فتنة ,,,,,,,,,,, بدايتها الاعلان الدستوري …..يا ريس  انت اديت الفلول الفرصة انهم يستغلوا الموقف و يصطادوا في المية العكرة ,,,,,,, دا احنا  بقينا نشوف اشكاااال زي عكااااشة و فشيييييق و الزند بيتكلموا باسم الثورة ,,,,,,,,,,,,,, و الراقصات نزلوا يتمايلوا علي ارض سااااااال فوقها دم حر ,,,,,,,,,,,,,,,,,,, حلول كتييييييرة كان ممكن تتم غير السيناريو دا ,,,,,,,,,

حضرتك كان ممكن تطلع تكاشف شعبك و تقول البلاوي اللي بيعملها الفلول و الفاسدين والمحكمة الدستورية و ترمي الكرة في ملعب الشعب و هما اللي يعزلوا الناس دي.

و للاسف الناس اللي بتطلع تدافع عن الاعلان الدستوري بتعك الدنيا اكتر ,,,,,,,,, هو احنا لما نسمع ان المبررات اللي بتتقال ,,,,,, ان النية مش وحشة!!!!!  ,,,,,,, و اللي يطلع يقول ان الناس اللي في التحرير لازم يتعلقوا علي ابواب المساجد  !!!!! وتتعمل مليونية اقرب ما تكون انها مليونية لمحاربة اليهود و يتقال فيها قتلانا في الجنة و قتلاهم في النار ,,,,,,, و ربنا اللي في التحرير دول برده مسلمين و لازم يتسمعوا  (و جادلهم بالتي هي احسن ) ( ادعوا الي سبيل ربك بالحكمة و الموعظة الحسنة ) ,,,,,,,,, و مينفعش ان جزء من الشعب بيأيدك تطلع تخطب فيهم و كأن اللي في التحرير دول من جنسية تانية ,,,,,,,,, اللي في التحرير دول يا ريس  في جزء منهم عطاك صوته لان ثوريته و اخلاقه و الدم اللي سال  منعوه من انه يدي فشييييييييق,,,,,,  و حضرتك برده  قلتلهم انهم  يقوموك ان اخطأت ,,,, التعامل  بالمنظر دا مينفعش ,,,,,,,,,,, احنا كلنا اخوة في وطن واحد ,,,,,,,,كلنا مصريين.

و مش كدا و بس دا يطلع المستشااااريين يصرحوا انهم ميعرفوش حاجة عن الاعلان دا طيب فين ( و امرهم شوري بينهم ),,,,,,,, طب هما جايين يشتغلوا ايه.

ممكن اوي يكون التحصين للقرار بتاع النائب العام و تحصين التأسيسية و الشوري اللي احنا كلنا عارفين ان الدستورية عايزة فعلا تحلهم ,,,,,,,,,,,, لحد ما موضوع الدستور دا ينتهي ,,,,,,,,,,,, و مشاكله تخلص ,,,,,,,,,,,

بالنسبة لموضوع طرح مسودة الدستور للاستفتاء علي طول كدا فيها مشكلة لان الناس لازم تتناقش فيه مجتمعيا و اعتقد ان دا اللي كان متفق عليه ,,,, وبعد النقاش المجتمعي يرجع التأسيسية تاني عشان يتعدل تبعا للحوار المجتمعي اللي تم ,,,,,,,,,,, كدا الوقت ضيق جدا ,,,,,,,,,,,, يعني من الدار للنار ,,,,,,,,,  و دا معناه ان احنا هنرجع لنفس طريقة استفتاء مااااارس ,,,,,,,,,,,,,, فاكرينه و لا !!!!!!!!!!!! مش هينفع ,,,,,,,,,, كدا هتقلب بعك ,,,,,, دا مصير 90 مليووووون

راجع نفسك ياريس ,,,,,,, فالرجوع للحق فضيلة ,,,,,,,,,, الغي بند التحصين اللاحق ,,,,,,,,,,, و اعرض الدستور للنقاش المجتمعي الاول ,,,,,,,,, و اجعل حق التصويت للمؤهلات العليا عشان ننهض صح زي دول العالم المتحضرة ,,,,,, مع كامل احترامي و تقديري لاخوتي من غير المتعلمين ,,,,,,, اعذروني الوضع حرج

و اخيرا

احنا معملناااااش ثورة ,,,,,, عشان اخرتها نقف لبعض بعد ما كنا واقفين نحمي بعض ,,,,,,,,,,, احنا في فتنة ربنا يطلعنا منها علي خير و فك قيد سجناء كلمة الحق ضباااااط 8 ابريل

الطف بينا يااااااارب

اللهم قد بلغت اللهم فاشهد

 

التعليقات

  1. لو اتلغت مادة تحصين القرارات يرجع النائب العام ده اللي انتم عايزينه؟؟؟؟؟!!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *