زحمة

زحمة
تكدس مرورى

بقلم- محمد لطفى:

زحمة زحمة دى بلدى بقت زحمة

لو عايز تمشى بعربية بعربية خليك هادى مع أغنية

توصل بسلامة وحنية

وياريت بدون عصبية

تمشى تسمع فى كلاكسات

صوت عربية وموتوسيكلات

وقوف فى إشارة عالم محتارة

وهتفضل تحرق فى سيجارة

ياالله ياعم ياالله ياست أمشى شوية

أجرى شوية عايزين نوصل على الضهرية

بس خسارة جت عربية دى خبطتها فى الأمامية

انزل زعق واستنى حكومة

أعمل محضر وخد صابونة

والكل بيجرى ويقول وأنا مالى

أيوة ياعم دة أنا فى حالى عدى إشارة بسرعة ياخالى

لاحسن تأخد مخالفة ياغالى

تسمع زيطة من شباك واحد بيلعن حد فات

لية بيعدى مش كان يهدى

هافضل يعنى واقف عندى

تجرى تقول مش معقول

هاوصل والله طريق مضمون

تلاقى خبطة جت على غفلة

هُب العربية تقوم لفة

تنزل تلقى عجلة فى حفرة

تنزل زق من حفرة لدق

هُب فى ثانية تلاقى مسئول

واقف قدامك على طول

أنت ياأفندى عطلت مرور

رخصك يالله تعالى وقول

تجنن وتبص تقول

أدى الرخصة ياسى مأمور

وأنا همشى على رجلى مرور

عربيتى هخليها حنطور

مبسوط يعنى ياعم مرور

 

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *