خلطبيطه

خلطبيطه
لخبطة سياسية

بقم- محمد لطفى:

أخوان ومسلمين

مع حبة سلفيين

والحلو ليبرالين

علمانيين مدعيين

وفى الفرح إشتراكين

وفى المعازيم ثوريين

وأحزابنا بتصرخ وتقول

والله ماأنتوا لاعبين

الكل ياسيدى بيدور

على حتة تورتة هنية

عايز يلهطها قوام

ولو لبس لامؤاخذة ولية

مش فالحين إلا فى أية

كلام على الفضائية

تلقى الثورى بيقول

أخوانى رادد على طول

والسلفى يقول بيخون

ليبرالى طايح بجنون

والله زهقنا كلام

وكفاية بقى أفلام

مصر من غيركو تمام

وهاتمشى كمان قدام

بلا نخبة بلا باذنجان

وحياة أمى لأحرم

التلفزيون على العيال

 

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *