رغيف العيش

رغيف العيش
مخابز - عيش

بقلم- محمد لطفى:

هات ياأبويا أشترى عيش

خد يابنى وأن شاء تعيش

بس أسمعنى ودى وصية

خدها يابنى زى ماهى

ماتروحش ساعة الضهرية

علشان هتلاقى زحمة قوية

دة طابور طولة كيلو مترين

وياترى يابنى واصل لفين

ستات فى طابور جنب رجالة

واحدة بتشتم عالم سفالة

وحاسب يابنى من الصبحية

الكل رايح بصحة قوية

دول لسة فاطرين طعمية

فأنت ياولدى أصحى الفجرية

وأطلب حتى أرغفين

وأبقى أتصل قول أنت فين

ولو غبت أكتر من يومين

هنعرف أنك جى بعدين

وأخواتك يابنى جوة العين

خليهم فى البال على طول

دى يابنى وصية أب حنون

لابنة فى معركة العيش المجنون

 

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *