حكايتي مع كيس الزبالة

حكايتي مع كيس الزبالة
ايمان-سلام

بقلم- ايمان رجب سلام:
مدرس مساعد منتدب بكلية العلوم
رئيس مجلس ادارة انقاذ حياة طفل بالاسكندرية و القاهرة و البحيرة:

نفسي أعرف صناديق الزبالة لا مؤاخذة يعني راحت فين ؟

أنا ساكنة فجناكليس وبيني وبين شارع أبو قير حوالي 5 دقايق مشي .

و أنا نازلة إمبارح أخدت كيس الزبالة معايا، قلت هرميه في صندوق يبعد عن البيت عندي حوالي دقيقة مشي وكانت غلطة كبيرة لأني بكل بساطة ملقيتش الصندوق أو بمعني أصح اختفي المهم قلت أمشي شوية أدام يمكن الاقي واحد تاني وفضلت ماشية 5 دقايق ادخل في كل شارع شوية أدور علي صندوق زبالة والنتيجة إني فشلت فشل ذرريييييييييييع وفجأة ظهر بواب ,,,,,,,, قلت في عقل بالي ,,,,,,, ياااااااا فرج الله ,,,,,,,,, دا اكيد اللي هيحللي المشكلة بتاعتي مع كيس الزبالة ,,,,,,,,,,, فسألته : ياعم الحاج ,,,, الاقيش صندوق زبالة قريب الله يكرمك ,,,,,,,, بصلي باستغرااااااااب و ضحك و قالي حطيها علي الكوم اللي علي الناصية الجاية ,,,,,,, قلتله كوم!!!!!!!!!!!! هو مفيش صندوق زبالة في الشارع دا كمان ؟؟؟؟ الراجل تنحلي و ازبهل و قالي ,,,, طبعا لا يا مودام ,,,,,,,,, لو عايزة صندوق زبالة هتمشي لحد كنيسة الاروام فيه جنبها صندوق زبالة ,,,,,, اخدت الكلمتين و كتمت فنفسي و مشيت ,,,,,,,, و طبعا مستحيل ارميه في الشارع امتثالا لقول الرسول صلي الله عليه و سلم (اماطة الاذي عن الطريق صدقة ) و بالتالي مينفعش احط اذي في الطريق و عندي سبب كمان ,,,,,,,,,, اني كان معايا بنتي و لو عملت كدا ادامها هتكون كارثة لانها ساعتها هتديني درس مش goodفي الاخلاق و ممكن اوي تقلدني و دي كارثة و ساعتها نقول علي ولادنا يلا السلامة …………. المهم عشان مطولش عليكم ,,,,,,,,, طلعت علي شارع ابو قير ,,,,,,,,,,,, و بصيت يمين و شمال ,,,,,,,,,, الله اكبر ايه دا ,,,,, اخيرااااااااا,,,,,,,,,,,, في صندوق زبالة ادامي اهو عند ,,,,, بي تي إم,,, قلت كدا هانت ,,,,,,,,, و لما وصلت للصندوق ,,,,,,,,,,, و يا دوبج هرمي الكيس ,,,,,,,,, لقيت واحدة وزنها حوالي 150 كيلو ظهرت ,,,,,,,,,,, و راحت ساحبة الصندوق ,,,,,,,,,,, و منعاني من إني أرمي الكيس اللي أنا بقالي حوالي ربع ساعة حيرانة بيه ,,,,,,,,,,, بحجة إن دا بتاع العمارة إللي هي بوابتها ,,,,,,,,, و قالتلي و هي متنرفزة و عنيها بتبرأ ,,,,, هو إيييييييييييييييييه هي وكالة من غير بواااااااااااب ,,,,,, الصندوق دا بتاعنا و محدش يرمي فيه حاجة ,,,,,,,,,, شوفتوش خيبة أكبر من كدا ,,,,,,,,,, حتي صندوق الزبالة أصبح معضلة ,,,,,,,,,,,و ساعتها قررت إني اخد بعضي أنا و بنتي و أرجع البيت بكرامتي و ببنتي وبكيس الزبالة ,,,,,,,,,,,,, المصيبة السودا بئي,,,,,,,,,,,,, إني نسيت اصلا أنا كنت نازلة ليه ,,,,,,,,,,,,,,,,, و عجبي ,,,,,,,,,,,
و ختاما
(عن أبي هريرة رضي الله عنه أن رسول الله – صلى الله عليه وسلم – قال : بينما رجل يمشي بطريق، وجد غصن شوك، فأخذه ، فشكر الله له فغفر له).

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *