محافظ القاهرة : يغلق هاتفه فى وجه محمود سعد..ويقول له ” مش انت اللي هتقيم شغلي”

محافظ القاهرة  : يغلق  هاتفه فى وجه محمود سعد..ويقول له ” مش انت اللي هتقيم شغلي”
5299787699

 

 

 

كتب/ هيثم صلاح


شهدت حلقة الليلة من برنامج “في الميدان” الذي يقدمه  محمود سعدعلى قناة التحرير  إغلاق محافظ القاهرة الدكتور عبدالقوي خليفة لهاتفه في وجهه  سعدعلى الهواء مباشرة  وذلك إثر حديثه عن تراخي مسئولين محافظة  القاهرة في رفع القمامة من الشوارع.
وكان سعد قد طلب محافظ القاهرة على هاتفه للحصول على تعليقه وذلك بعد عرض تقرير في البرنامج عن انتشار القمامة بالقاهرة، خصوصا بعد الثورة، وتراخى المسئولين عن النظافة بالمحافظة فقال المحافظ لسعد سوف اشكل لجانا للعمل على رفع القمامة وسوف استعين بالطلبة في فترة الإجازة الصيفية لتنظيف الشوارع.
فاعترض محمود سعد على تشكيل اللجان وقال للمحافظ “يا فندم احنا سمعنا الكلام ده 50 مرة قبل كدة ولم يحدث شيء ولم نر أي تقدم” فرد المحافظ “سمعته 50 مرة ازاى ده أنا أول مرة أكلمك”، فقال سعد “أقصد سمعناه من المحافظ اللي قبلك ومن كافة المسئولين في الحكومة السابقة. كل مشكلة يقولولنا هنشكل لجنة ومش بنشوف أي نتيجة يعني حضرتك ما سمعتش الكلام ده قبل كدة يا سيادة المحافظ؟”، فرد المحافظ بانفعال: “لا ما سمعتوش” فقال سعد: عموما يا سيادة المحافظ الناس مش عايزة لجان ومش هتستنى الدراسة المشكلة واضحة وعايزة قرارات ثورية وحاسمة وإن حضرتك ورؤساء الأحياء تنزلوا الشارع بنفسكم ويحصل إشراف ومتابعة لرفع القمامة وحل المشكلات”، فقال المحافظ إنه بالفعل اتفق مع منظمات أهلية ووضع خططا لرفع القمامة وفيه فعلا تقدم ملموس في الشارع وكل ده وبتقول معملناش حاجة وبعدين استنى لما تشوف نتيجة اللي بنعمله بلاش يأس”، فقال له سعد: “يعني يا سيادة المحافظ ده وعد من حضرتك انك…” وهنا انفعل المحافظ وقاطع سعد قائلا: “يعني ايه وعد بيني وبينك. مش انت اللي هتقيم شغلي مع السلامة” وأغلق الهاتف في وجه محمود سعد
وردسعد  بتهكم: شكرا يا سيادة المحافظ ولما الإعلام مش هيقيم شغل المسئولين مين اللي هيقيمه؟ ما هي دي نتيجة ان الدكتور عصام شرف جاب لنا مسئولين غير ثوريين في الحكومة وفي كل المناصب.. والنتيجة انهم بيتعاملوا بنفس عقلية المسئولين السابقين.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *