شعر ” اوقات الفراق ” بقلم / أحمد عادل

شعر ” اوقات الفراق  ” بقلم / أحمد عادل
الفراق

بقلم – أحمد عادل :

 

مش بايدي اختار اوقات الفراق

او احدد معاد ووقت وكلام

يكفي مرار طعم البعاد

 

والحبيب اللى مفارق وواخد بايده شوية حاجات

والدمع على الخدود غارق عنده ولا عندى ..؟

مش فارق .. المهم ان الطريق اصبح كئيب

والضي اتطفي من بعد ما ودعنى وفارق

 

وخانى وسرق كل لحظة حلوه

عِشتها بالحياه سرق تاريخه

والذكري ماسابش الا بكره

وفكره وكام حلم

وحبة كلام على الورق

 

والقي نفسي بتسألنى

فى حالة بكا ياتري ساب حاجه منى

جوا منـه ؟  وايه يعنى فرق

 

وقلبي اللى عشق ودق باسمه ؟

وباع وحرق جوا منى كل الامانى

معقول ممكن من تانى يانفسي تقولى

انه حتة منك  وانتى حته منه

كفايانا هوانا وحنين اتقتل بالحياه جوانا

كفايانا نصدق كلام على ورق

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *