مبادرة ائتلاف شباب العمرانية لتقديم مجموعه من الخدمات والمساعدات

مبادرة ائتلاف شباب العمرانية لتقديم مجموعه من الخدمات والمساعدات
فرص عمل للشباب العاطل

كتب – وليد سلام

اعتزم ائتلاف شباب العمرانية اطلاق مبادرة اطلقوا عليها اسم ” مبادرة ائتلافاوى ” لتقديم مجموعه من الخدمات والمساعدات لاهالى منطقتهم والمساهمة تخفيف اعباء الحياه عليهم .

فيما يقول احمد العميد المنسق العام للائتلاف ” نحن ائتلاف شباب العمرانية عايزين نخدم كل منطقتنا وقطاعاتها علشان كدا عايزين كل واحد حابب يعمل خير يشارك معانامبادرتنا باختصار هى وجود مندوبين للإئتلاف فى كل قطاع فى العمرانية بمعنى:قطاع مثلا مستشفى الصدر يكون فيه مثلا 10 مندوبين للإئتلاف وبتكون مهمتهم كالاتى:


– عمل قاعدة بيانات عن عدد الأسر المعدومة الدخل والتى ليس لديها دخل ثابت فى نطاق قطاعهم.. وابلاغنا بهذه الاسر وسوف يتم تدبير لهم مساعدات عينية ومادية عن طريقنا بعدة طرق منها بنك الطعام ..او كثير من الناس اللى عايزين يساعدو فى الأمر دا وهم كثر والحمدلله

 

– كشف اى قصور فى خدمات الحى فى هذه المنطقة يعنى مثلا شارع لايوجد به انارة او مشكلة صرف بمجرد كشفها يقدر انه يصورهالنا ويعرفنا مكانها والمشكلة هيا ايه بالظبط..واحنا سوف نقوم عن طريق الجهات المعنية وهى الحى والمحافظة بحل المشكلة بوقت سريع وهيكون المندوب دا مع عمال الحى او المحافظة اللى هيحضروا لاصلاح المشكلة وهيكون مراقب لهم حتى يتنهو منها

 

– يستطيع المندوبين انهم يحصروا عدد الشباب اللى محتاجين كورسات كمبيوتر او لغة اننا نوفرلهم هذه الكورسات عن طريق اتفاقنا مع احد مراكز الكورسات فى العمرانية وسوف يقوم بعمل تخفيض لكل من سيأتى عن طريق الائتلاف بنسبة خمسين فى المية من السعر الأصلى للكورس سواء كان كمبيوتر او لغة انجليزية

 

– كما سيقوم المندوبين بعمل حصر ايضا لحالات أمراض الكبد والكلى اللى متقدرش انها تدفع ثمن الكشف عند الدكتور حيث أننا اتفقنا مع الدكتور سمير عنتر استشارى الكبد والحميات ونائب مدير مستشفى الحميات بأن يقوم بالكشف المجانى على الحالات غير القادرة التى سوف يبعثها له الائتلاف

 

لو عايز تشارك معانا ياريت تبعتلنا رسالة على صفحتنا فيها اسمك ورقم تليفونك والقطاع اللى انتا ساكن فيه علشان نقدر نعرفك على بقية المندوبين فى القطاع بتاعك وتقدر تتعاون معاهم ويكون الحمل قليل شوية وفى توزيع للأدوار شاركونا يا شباب

التعليقات

  1. انا جاهز الى هذه المهمة الانسانية وانا ساكن بجوار سنترال العمرانية

  2. اهلا بحضرتك ةمشاركتك معانا وبنرحب بيك وياريت حضرتك تتواصل معانا عبر الهاتف على رقم
    01060292576 – 0111879154
    او عبر صفحتنا على الفيس بوك
    ائتلاف شباب العمرانية ..وشكرا

  3. شباب محترم يحب بلاده احترم كل شاب فيكم انتم غيرتم الواقع وهذا دليل على اصالتكم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *