التخطي إلى المحتوى

كتبت ـ نرمين اسماعيل


أصيب –  أمس الثلاثاء –  الفنان خالد الصاوي بعمى مؤقت نتيجة لتعرضه للغاز المسيل للدموع آثر تظاهراته بميدان التحرير، وعلي الرغم من ذلك كتب – الصاوي – على صفحته الشخصية على “الفيس بوك – دون أن يشير لإصابته- ” أنا بنزل مظاهرات من وأنا عندي 18 سنة، الغاز اللي انضربنا بيه الليلة دي غير أي غاز عدى عليا من 30 سنة، يا أخوانا احنا بنتعامل أوسخ من الكلاب”.

وتابع: ” شباب متصاب من الداخلية بيطالب بحقه بعد إصابته بعشر شهور يقوموا يضربوه زي ما ضربوا أهالي الشهداء قبل كده، ولما يتعاطف ناس معاهم يتقتلوا ويترموا جنب الزبالة، ولما يتضامن ناس معاهم يضربوهم بغاز شديد الخطورة..لو وافقنا على ده كله نبقى ناس بلا كرامة،

 هو ده أساس الموضوع مش عاوزين تفريعات فارغة.. انت لو في بلد غربي مش حتجروء تقول: وهم ايه اللي ينزلهم يتظاهروا؟ علشان حتلاقي عيل صغير يبصلك بازدراء ويقولك: وهو ده مبرر انهم يتعاملوا كده”.

وختم كلامه :” كل من يريد أن يؤسس لكرامة الإنسان المصري لازم يصر على محاسبة الطغاة، كفاية ذل بقى” .