التخطي إلى المحتوى
بالفيديو.. كلمة «السيسي» خلال افتتاحه أكبر مزرعة سمكية في الشرق الأوسط

كتبت ـ هند عبيدى:

قدّم، رئيس الجمهورية ـ عبدالفتاح السيسي، اليوم السبت، الشكر للقائمين على تنفيذ مشروع «بركة غليون» في كفرالشيخ، قائلًا: «اللي أنتوا شايفينه ده خطوة على طريق، ومش كل الطريق، ولا هو المستتهدف ولا هو الأمل، دي حقائق، المشوار طويل وإحنا متأخرين لأسباب كتير مش وقته الكلام فيها دلوقتي».

وأضاف «السيسي»، خلال حفل افتتاح أكبر مزرعة سمكية في الشرق الأوسط  بكفرالشيخ: «اتكلمنا عن إننا هنعمل ومحتاجين نتحرك بشكل موازٍ مع آليات السوق الموازي في مصر، المشروع هيطلع 25 ألف طن سمك، بس أنا هفكركم إن اللي بيتعمل حاجات متكاملة مع بعضها، بنعمل مزرعة عملاقة في شرق بورسعيد على مساحة 19 ألف فدان، وجارٍ استكمالها».

وأشار «السيسي»، إلى أنه يريد تخفيف تكلفة المعيشة عن المصريين، وخصوصًا محدودي الدخل منهم، مطالبا الشعب بمساندته قائلا: «إحنا بننظم نفسنا كدولة، اسمعوا كلامنا، عشان اللي حصل فينا السنين اللي فاتت كان بسبب التجاوز على التعليمات والقوانين اللي بتنظم الدولة، أرجو إن محدش يتجاوزها».

وأوضح «السيسي»،في كلمته «إحنا بنحاول نستغل القدرات التي نمتلكها وأُهدرت على مدار سنوات طويلة»، مؤكدًا أن التعدي على البحيرات، والصرف الصحي والزراعي عليها، أفقدنا القدرة على الاستفادة من بعض المزارع السمكية.

وطالب «السيسي»، المواطنين بعدم التعدي، قائلا: « الفلاحين أهلي وناسي زي ما هما أهلك وناسك، بس الأوطان مبتتبنيش بالخواطر، بتتبني بالالتزام والانضباط.. إحنا مش ضد المزارع اللي بيزرع رز، بس ده هيأدي لنقص للمياه، ده مش في صالح مصر، ساعدونا يا مصريين، هنجيب المية منين للتجاوزات».

وتابع الرئيس، مضيفًا : «أنا لا أمتلك العفو عن التجاوزات في حقكم أنتم»، جاء ذلك ردا على أحد الحضور، مطالبا الرئيس بالعفو عن الفلاحين، وعن أزمة سد النهضة، « مياه مصر موضوع مفيهوش كلام، وأنا بطمنكم، ومحدش يقدر يمس ميّة مصر، اتكلمنا مع أشقائنا في السودان وإثيوبيا على عدم المساس بالمياه، لأن المياه مش تنمية دي حياة أو موت لشعب كامل، والموضوع ده خلصان، كده خلصت».

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *