بيات لتمرد المنوفية يوضح عدم رضاه عن البروفة

بيات لتمرد المنوفية يوضح عدم رضاه عن البروفة
1017285_574185499270288_1316890988_n

المنوفية – محمود الصاوى:

أصدرت مساء أمس حركة تمرد المنوفية بيانا عاجلا على صفحتها بموقع التواصل الاجتماعى توضح ففيه عدم رضاها عن مستوى الحشد الذى تم بفاعليات الجمعة الماضية وعدم التواجد بكثافة الحضور المتوقعة ووضحت فى بيانها عن أسباب ونواحى القصور التى وقعت منهم كأعضاء للحركة وكشعب مشارك تسعى لنيل حقوقه مثل هذه الحركات كما جاء بالبيان كالأتى : بيان هام :

أولا كل الشكر والتحية والتقدير للناس اللى حضرت معانا ولبت الدعوة.

ثانيا كل الخرفان دلوقتى طلعلهم صوت وبيتكلموا وبيتناقشوا كمان على الصفحة !!! وعندهم الجرأة إنهم يهددوا ويتوعدوا بعد ما شافوا العدد اللى حضر مش زى ما كان متوقع دلوقتى الجبناء طلعلهم صوت وجايين شمتانين ..
نحب نوضح للناس اللى معانا وبنحترمهم ولكل شمتان موجود وبيتابع بشماتة بعض النقاط ….

*تم الدعوة للوقفة يوم الأربعاء الماضى أى قبل يومين فقط من الوقفة وهو وقت ضيق بالفعل وتقدروا تتأكدوا من تاريخ البوست الأول للدعوة.

*وجود فاعلية أخرى فى كفر الشيخ ربيع فى نفس الوقت مما أدى لانصراف الضيوف باكرا وبالتالى الغاء بعض المسيرات القادمة من مناطق داخل شبين.

*الإعتماد على بعض الرموز المعروفين بدون ذكر أسماء الذين خذلونا فى تلك الوقفة الواحد بيتعلم برضه.

*نعترف بوجود أخطاء من جانبنا فى طريقة الدعوة والحشد لليوم فالإعتراف بالحق فضيلة مع عدم التغطية الإعلامية الكافية وإن شاء الله نتعلم من الخطأ المرة القادمة وزى ما قولنا دى بروفة للمنتج النهائى فى 30/6 وحتتكرر تانى خلال الفترات القادمة إن شاء الله لحد ما نوصل للى بنتمناه.

*تقطيع البانرات فى الخفاء دى مش رجولة على فكرة دى حركات متطلعش من رجالة ولو كنتم رجالة بجد كنتم عملتوها قدامنا.

أخيرا لكل المتمردين ولكل الناس اللى معانا إن شاء الله مكملين والعبرة مش بالعدد وإلا كان 10 خرفان أفضل من شخص عاقل ربنا إدانا العقل اللى نفكر بيه وإدانا الإرادة الحرة بعكس ناس تانية عندهم السمع والطاعة مسيرين لا مخيرين.

وبالنسبة لكل خروف عالصفحة بيمأمأ براحتك عالآخر مكملين برضو وخد راحتك ورونا مواهبكم والبيدج منور بيكم عالأقل عاملين حس.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *