نفسى أعرف

نفسى أعرف
120

بقلم/ أسماء محمد :

نفسى أعرف
ليه فى زمانا
الناس بتوصف بعض بالخرفان
وناس ترد تقول خنزير وجبان
اسمع منى انت وهوه
وافتكر انك انسان
واحد تمرد
والتانى تجرد
واللى اتمرد
فاكر تجرد
حكم عليه بالحرمان
تجرد قاعد يوعد
ويرسم لوحه فيها الحلم
متعلق على الأغصان
بس الحلم بنشوفه
لما ننام ولما بنصحى
نعانى حقيقه مرة
والوجع حد الهذيان
طب والحل يا اولاد بلدى
كلو بيوعد يوم 30 هيكسر
قيد متأيد بيه
قالوا ان الحق عليه
دايما يوعد بس بيخلف
رغم انه حكمهم
بالتدقيق
أم اللى اختاروا الصندوق
والله انا خايفه عليكم
يا ولاد بلدى من يوم موعود
بدل السلم الكل يموت
والزمن أيامه شهود
أبناء وطن واحد
ويمكن حتى اخوات فى الدين
قتلو بعض المساكين
نسيوا الجمع وقلبوها طرح
رغم الجمع بيعنى كتير
والإتحاد لازم يكون لتحقيق
الحلم والمصير
يا اولاد بلدى
مصر الخير بلاش نوصف بعض كتير
ده السب عمره ما وصل رأى
بس طريقه وغايته
هوه التدمير

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *