سد النهضة‎

سد النهضة‎
سد النهضة

بقلم/ محمد يسري:

ياما هنا و ياما هناك

نهضة فى كل البلاد

و نهر اصله من الجنة

عايش عليه اغلب سكان القارة

زمان كان فيضانه بخسارة

زى ما كان طميه بزيادة

بس كنا غير ما بقينا

كنا شعب وخداه الجلالة

عملنا السد العالى فى مكانه

و زى ما فرحنا بأيجابياته

اتصبنا بسلبياته

زى ما وفرنا الكهربا

و فيدنا الاقتصاد

و زرعنا ارضنا

و وقفنا الفيضان و الجفاف عن البلاد

حرمنا نفسنا من الطمى

و هدمنا الكثير من مدن النوبة

و تأكلت شواطىء الدلتا

كأن فرحنا الدايم بالأيجابيات

 اعجوبة

بس كنا عايشين سادة

و كان جيرانا بيعملوننا الف حساب

النهاردة القارة بقت غابة

و بقى بق المية وسيلة عقاب

قالك سد النهضة

و ياما هنا و ياما هناك

و طالما النهضة صهيونية

و متغلفة بحجة اثيوبية

يبقى نموت من العطش

ونستنى فى كل حين المطر

طب ايه يعمل السد العالى؟

وازاى يكون الحق مش غالى؟

عندنا النيل و ميته كأنها مدخلتش

و كل مشكلة فى بلدى متحلتش

و لما يقطعوها عننا؟

و يزيد حملنا

ونتحول لدولة من دول المجاعات

و ساعتها مش هتفرق كتير

اللى عاش عاش و اللى مات مات

لا لاقى سيناء و لا لاقى النيل

ولا حتى حلايب و لا شلاتين

و الصحرا فى كل حتة مستنية

سواعد رجال عزيمتهم قوية

لا نور و لا مية و لا حياة بسيطة

 لا عيش و لا غاز كأنى فى بلد أسيرة

و ياما هنا و ياما هناك

نهضة فى كل البلاد

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *