النور مقطوع‎

النور مقطوع‎
index

بقلم/ محمد يسري:

النور مقطوع

و الحمار ملطوع

بقالو كام اسبوع

و لو حبيت اروح السوق

هلاقى خشب الكارو مخلوع

و محتاج نجار

بس النجار صوته مش مسموع

الوم على الولية اللى جوا

و لا على شيخ الحارة المصنوع

متفصل زى ملاية سرير

زى ملاية عايبة مليانة اخرام

متنفعش حتى هدمة للفقير

النور مقطوع

و الحر مهيج عرقى عليا

طب اشكى لمين؟

ياريت الحل بين ايديا

جدران البيت مشروخة

و حيلى أيل للسقوط

حنفية مطبخى مفتوحة

و مية نيلى مسروقة

و غيره و غيره من الضغوط

و لو على اللقمة

اكلها بدقة

بس العيال كتير

و شيخ الحارة اسير

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *