المذاكرة‎….

المذاكرة‎….
1644_10200850564496266_365097440_n

بقلم / محمد يسرى‎ :

خبطت على بابى المذاكرة

قلتلها اعتبرى دماغى مسافرة

مهاجرة

انتى اصلا مالكيش لزمة

بشوف الدنيا و معانيها بدماغى

عملتليلى ايه يعنى فى ايامى

غيرتى ايه جوايا

كتب الارصفة هى منايا

التعليم على الرصيف اقوى

يا بلدى خلى دماغك انقى

اصفى

خليكى عاقلة

يا ترى الدم بيوصل لدماغك

يا ترى فاهمة

سواء حكومى ولا خاص

الدنيا ملازم و زهقت خلاص

بتضحكوا علينا بتقديرات

مناهج عقيمة

و يقولولى ذاكر عشان يبقالك قيمة

طب لما اشتغل ليه ببدأ من الصفر

دا لو لقيت شغل ومقتلنيش العمر

كل المحاضرات كل االحصص كل الدروس

حتى الحضانة ايام الطفولة كل ارقام الجلوس

هى دى الكاميرا الخفية و لا انا اللى منحوس

كلنا نفس السطحية

لما قريت مصطفى محمود

انيس منصور

حسيت انى مقهور

مسحور

و مش على الأرض

كلنا بشر و بنتشغل بعض

انا عايز تعليم يحسسنى بنمو قدراتى

احس بطعم العلم و كلمة أقرأ فى حياتى

اول كلمة امرنى بيها ربنا

لو مشينا بيها هنتغير كلنا

مش عايز حفظ مش عايز معاملة الاسرى

مش عايز اشم فى اصحابى ريحة الحسرة

مش عايز اقول كلمة هنسقط بهزار

مش عايز اتريق عايزين ناخد قرار

لما قريت ابراهيم الفقى

جلال عامر

بلال فضل

حسيت ان كتير مش فاكرين الاصل

قصة التفاحة و النزول للأرض

يا ولاد أدم السما هى البداية

يا نعيشها صح يا ننسى النهاية و نتوه فى النص

انا مش مثالى ولا بخرف

كان نفسى فى صغرى انا و القراءن نتعرف

ايه الكلام اللى فى الكتاب دا كلام مش عادى

لا شعر و لانثر ولا أرض ينكروا روعة الكلام الربانى

فيه كل حاجة فى اى زمن تعيشنى سعيد

و تقولولى لو مزاكرتش يبقى هتفشل فى حياتك اكيد

ايه جو الهبل دا و جو سوق العبيد

انا متأكد من نفسى و مش عبيط

نفسى اذاكر بس احس انى فاهم

سعتها و الله هذاكر بالعبيط

نفسى اعيشها صح دى هى مرة واحدة

انما مش فى اخر ايامى

العنك يا دنيا و اقول عليكى جاحدة

الناس من تراب

و كلامهم كتير وحياتهم سراب

كفاية كدا اخش ابص فى الملزمة شوية

ااااه يا منافق

طب و الابيات اللى فاتت

هو الشعر مش واقع

يا جماعة انا عايز انجح لوحدى معنديش مانع

بصوا بقى انا نفسى بجد طريقة التعليم تتغير

بس للأسف ابويا ممكن يعذبنى لو تقديرى قل

و روحت قلتله جبت امتياز

هيعلقنى لو عرف انى بحور طب ايه الحل

محدش يقولى امى دى من حياتى مش هتمل

مع ان التقدير اشتغالة

نفسى بقى اطلع من ام صفيحة الزبالة

او انضفها و هومى تتوسخ عادى

ممكن تتفهم مصر او الجامعة او حتى حياتى

فى كل وقت بيقول قربوا يا عبادى

و احنا بطعم السطحية بنعتبر العدم ماضى

و نعمة الحياة مش فاهمة و الارض هى بلادى

مفيش نظام و لا انسان مثالى

بس لو ما سعيتش ابقى ظلمت نفسى

ابقى انانى

يارب اكون وصلت الفكرة

النهاردة بيموت مع كل حرف

و كل ثانية

اهم حاجة نفكر فى بكرة

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *