نغم الحب‎

نغم الحب‎
images....

كتب- محمد يسري:

نغم الحب قد قادنى اليك ايتها الفتاة

و يا له من نغم
غمرتنى الفرحة منذ سماعه

فأحترت بين كثرة الاته

و نمت يومها فى ظل المناجاة

احلم بالهوى و ما تحت سماه
يا لك من فتاة

حبيتك من قبل ما تبتدى حكايتنا

و بدأت اكتب كل سطر فى روايتنا

سألت نفسى و انا بكتب
يا ترى ايه مستخبى بين السطور

ازاى هتحمل ضلمة البعد وغربة النور

يا ترى هنقدر انا و انتى على القدر

هندوب فى النجوم و نتلاشى فى ضوء القمر

و لا هتترسم حدود الأرض بينى و بينك يا حياتى
و القى نفسى منفى برا ارضى و من بلادى
يا لك من فتاة
انتشرتى بصوت ضحكتك فى كل مكان

لمستى بأيدك قلبى
غيرتينى من مجرد انسان عايش لانسان هيمان

اخدتى من قلبى نبضه و من عقلى فكره
اترميت انا فى نهر الحب رغم عمقه

السعادة بقى تعريفها ان ايدى فى ايدك
غير كدا انا تايه فى سبيلك
نفسى ارمى عينى فى عينك
و اعد الخطوات اللى نهايتها بشوفك
اسرح فى جمالك و اتلاشى فى عودك

يا لك من فتاة
انتى فى حد ذاتك حياة

قلبى مقبوض من غيرك
و سعادتى اللى كانت مبقتش الا فى وجودك
صوتك لوحده مش كفاية
و حزنك ببالغ فيه لدرجة احساسى بالنهاية

بتكملى فى عينى ايات الكون يا اجمل أية

يا منى القلب اتنفسى من هوايا
و حسى بقلبى مين كل منايا

شوفى بعينى مين احلى الصبايا

غنى معايا اجمل اغانى الهيام

اتنهدى بشوق و انسى كل الألام

خلى يومى معاكى احلى الايام

يا لك من فتاة

بدونك الأرض بلا أنام

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *