ضحكة حبيبى..

ضحكة حبيبى..
DSCF0946

بقلم – محمد لطفى :

 

 

قالها فريد وكان زمان

 

وبقولها دلوقتى كمان

 

ضحكة حبيبى جنان جنان

 

 

يضحكها ويصحى اللى نام

 

يصحى بسرعة يقوم قوام

 

ويقول اضحكها كمان

 

 

دى ضحكة سبحان اللى قال

 

مرسومة فى الوجة تمام

 

تضحك تخلى الصبح بان

 

لو كنت مهموم او زعلان

 

تسمع الضحكة قوام

 

تلقى نفسك فى ابتسام

 

 

اصل حبيبى ضحكتة

 

وطلعتة وطلتة

 

مرسومة جوة ضحكتة

 

 

ضحكة تقول اغنية

 

مكتوبة متنقية

 

لحنها احسن موسيقار

 

غنتها ثومة اغنية

 

اسمعها منة فى اتصال

 

القى قلبى ولعة نار

 

اقول ياعالم دة حرام

 

ضحكة حبيبى ضرب نار

 

ضحكة حبيبى ضرب نار

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *