بين المطارح

بين المطارح
01318432356

بقلم/ فاطمة الشرقاوى:

يا عمر رايح و عمر جى

بين المطارح بلقى ضى

و كل ضى بينطفى ساعة

ما يلقى معاده جى ..

و لكنى ليه رغم الغيوم

بضحك و بتحدى الهموم

و ارفض اكون انسان حطب

مستنى ناره لما تقوم ..

دايب يا عمر و ليه مفتون

بالعتمة و الخوف و السكون

سايب يا ليل ضى القمر

و ساكن لى ليه فى عش الشجون ..

فتحلّى شبابيك الحياه

و انفض همومك ده العمر تاه

و اهرب من الليل الحزين

او حب من ليلك ضياه !!

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *