مولود جديد

مولود جديد
مولود

بقلم/ رنده جبران:

مولود جديد لسه بقاله يومين

جاي الدنيا لينا بصرخه

ومن حواليه اصوات الفرحه

مولود لسه بقاله يومين

فتح عينه علي الوالدين

شايف الدنيا بعينيه جنه

فرحان بيها وبيتنمني

قلبه بريء طاهر وجميل

لسه مالوثهوش الكدب

لسه بريء ماعرفش الحقد

أبيض ناصع مش متلون

لسه يدوب قلبه بيتكون

ماعرفهاش حسابات الارض

اللي مليها حقد وكره وبغض

لسه ماشافش ناس تكره بعض

تقتل تدبح وتخون بعض

لسه ماشافش أخ موت أخوه عشان مليم

ولاشاف أب بيقتل ابنه عشان جعانين

ولا شاف ناس تدي لناس أسافين

ولا شاف ناس ليها مليون وش

عاوزه تكوش عاوزه تؤش

ولاشاف ناس بتقول بتحبك

وكله بيطلع غش في غش

لسه يدوب قلبه بيتكون

أبيض ناصع مش متلون

جاي الدنيا فارد جناحاته

فاكر ان دي هي الجنه

عمال يحلم وبيتمني

اه كان نفسي اكون طول عمري طفله بريئه

لسه يدوب مولوده بقالها دقيقه

وماتعرفش شيء في الدنيا

وماتحملش هم الدنيا

قلبها ناصع لسه بريء

لسه مالوثهوش الكره

وماتعرفش شيء في الدنيا

غير لمسه أم حنونه وأب

بتلاقي فيها دفا وأمان وعطف وحب

اه كان نفسي اكون طول عمري طفله بريئه

لسه يدوب مولوده بقالها دقيقه

وماتعرفش شيء في الدنيا

ولاتحملش هم الدنيا

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *