دنيا غرورة

دنيا غرورة
index

بقلم/ رانده جبران:

قالوا عليها دنيا غروره

دنيا ياناس قاسيه ومغروره

واللي بيجري وراها بيتعب

اللي بيسرق ..واللي بينهب

وبيجمع في فلوس مابيغلب

قالوا عليها دنيا غروره

بيها الناس عايشه ومبهوره

اللي بيسعي للقمه عيشه

واللي ينام مستني الدنيا تجيبله رغيفه

واللي بيمشي فيها وتايه

اللي عليها وماهوش عايش

اللي بياخد ومايديش

واللي يدوب بالعافيه يعيش

واللي بيظلم ..فاكر انه مخلد فيها

 وبيتكبر

لا بيحسب حسابات للاخره

ولا بيفكر

وخداه الدنيا لبعيد مش بيقدر

متخدر متكبل بحديد…..

أموال زايله ونعيم كاذب

قالوا عليها دنيا غروره

دنيا ياناس قاسيه ومغروره

واحد كل حياته المال…..

بيشاوروا ويقولوا دا هايل

والتاني فقير غلبان…..

حتي رغيف العيش مش طايل

مش قولتلكوا دنيا عجيبه

مره بتضحك ومره كئيبه

مره عدوه ومره حبيبه

وماعدناش بنلاقي الطيبه

أصلها عمله قديمه وبطلت

والظالم بقي فيه السايد

ناس شقيانه وناس تعبانه

وناس وخداها الدنيا ودايره

وناس في مكانها قاعده وراسيه

ناس عايشه فيها ومش عايشه

اه لو نعرف اخر الدنيا !!

متر في متر وعتمه وظلمه

حاكم  كان أو محكوم

ظالم ولا كان مظلوم

شوفت الدنيا دي عامله ازاي

دوامه كبيره وتواهه

ولا تتعاتب ولا تتلام

أصلها زايله وأي كلام

قالوا عليها دنيا غروره

عندها يجي مليون صوره

صوره كئيبه وصوره جميله

 فيها نجوم لامعه ومرسومه

بس نجومها خساره…

 بعيده ومش مضمونه

تجري مها هتجري وراها..

مش دايمالك

عيشها ماقولتش ماتعيشهاش

بس بلاش تتمادي وتظلم فيها بلاش

أحسن تيجي في لحظه

 تلاقي حياتك دي ماتسواش

وماتنساش أنك راحل ماهتبقاش

وكمان ربك حاضر دايما مابينساش

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *