بالفيديو .. السيسي: تتقطع إيدينا قبل ما تتمد على مصري

بالفيديو .. السيسي: تتقطع إيدينا قبل ما تتمد على مصري
الفريق اول عبد الفتاح السيسي القائد العام للقوات المسلحة ووزير الدفاع والانتاج الحربي

كتب- حنان جبران:

وصف الفريق أول عبد الفتاح السيسي، وزير الدفاع والإنتاج الحربي، الجيش المصري بـ«الوطني» و«العظيم»، وقال إن القوات المسلحة «شريفة أوي» و«صلبة أوي»، معتبرًا أن صلابته «جايه من شرفه».

وأضاف السيسي، في كلمته خلال احتفال عرض أوبريت «حبيبي يا وطن»، بجامعة المستقبل، مساء أمس الأحد: «لا تقلقوا أبدا على بلدكم مصر.. المصريون لما أرادوا التغيير غيروا الدنيا كلها».

وأكد وزير الدفاع، أن الجيش المصري، عندما نزل لحماية الشعب خلال 18 شهرًا «إيده لم تمتد»، مضيفًا: «خلوا بالكم من هذا الكلام جيدًا.. إحنا إدينا تنقطع قبل ما تمسكم»، ووصال: «كان فيه 150 ألف جندي في الشارع، إحنا كنا نناضل عشان لايؤذى أي مصري، ونحارب عشان لا يؤذى أي مصري، وعشان مصر تفضل مصر، وهتفضل مصر»

وقال السيسي: «من 3 أسابيع أقسمت قسم، يا ريت كلكم تكونوا سمعتوه.. أنا قلته عشان كل مصري قاعد في بيته يكون مطمئن»

واستطرد وزير الدفاع: «الضباط اللي انتوا شايفينهم دول والطلبة.. الدم اللي في عروقهم بيحب مصر، ونحن لا ننسى ولن ننسى شهداء رفح، لازم يكون عندنا أمل وثقة كبيرة في بكره.. وبكره تشوفوا مصر وهيا أم الدنيا، وهتبقى أد الدنياووجه السيسي التحية لصاحب فكرة الحفل «جامعة المستقبل»، وأعضاء هيئة التدريس، وكذلك للإعلاميين والكتاب والفنانين والمثقفين الذين حضروا الحفل، مضيفًا: «مش عاوز أنسى أقول لأهلي المسيحيين كل عام وأنتم بخير، وأنا عاوزكم توجهوا التحية لمصر».

وبكى الفنان محمد فؤاد وقال للسيسى: “خلى بالك من مصر يافندم”، وكذلك الفنانة آمال ماهر.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *