شريط الحياة

شريط الحياة
شريط الحياة

بقلم/ رنده جبران:

قلب كدا شريط الحياه
شوف ضحكتك واسمع الاه
قلب وعد الذكريات
واللي انقضي في عمرك وفات
عد الفرح ..عد الاهات

قلب كدا شريط الحياه
مين اتظلم … ومين ظلم
مين هو كان قاضي الحياه
مين حنيته غلبت قساه
مين كلمته ترجع حياه

قلب كدا شريط الحياه
مين اللي كان جنبك في فرحك
مين اللي كان شايلك في جرحك
مين اللي كان ايده بايديك
لما تقع بيشد فيك
مين اللي كان جاني عليك
لما بتبني بيهد فيك

مين اللي خان وقال وداع
مين الوفي وعمره ماباع

قلب كدا شريط الحياه
شوف عمرنا فين انقضي
فين سكتك؟
وفين ربيع عمرك مضي
حاسب في نفسك عدها ليوم الحساب
شوف هي ايه ثمره حياتك
عد الخطي ….وراجع صفاتك
رد الحقوق لو كنت ظالم

شخبط علي كل اللي فات
عاتب وصالح وانسي وسامح
دا العمر مش لسه طويل
انسي الاسيه وافرح شويه
واملي الحياه حب وحنين

ساعد وساند واشقي وعاند
هي الحياه تبقي حياه من غير عناد
ود الحبايب … وانسي البعاد
نقي القلوب من حقدها
خليها بيضا مزهزهه
انسي الالم وانسي العذاب

وقف شريط العمر علي لحظه فرح
ضمد جروح القلب وانساه التعب
دا العمر مش باقي كتيير
افرح كتير واحزن قليل
واحلم كتير ..وانسي الاسي
خلي القلوب بربها متونسه

ابكي كتيير ..وادعي بضمييير
واطلب كتير من ربنا راح يستجيب
دا مهوش بعيد دا جنبنا ومنا قريب
استسمحه واستغفره وقول توبت ليك
هبنقذك ويحفظك ويرضي عليك

ماتخودش سكه الضياع وتروح بعيد
ربك هنا بينده عليك اسمع نداه
اطلب .. وهيفاجئك عطاه
واحمد وقول الشكر ليك
واضحك وعيش وانسي الاسي
خلي القلوب بربها متونسه

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *