رسالة من شهيد..

رسالة من شهيد..
DSCF0945

بقلم – محمد لطفى :

 

انا اسمى الشهيد احمد محمد او حسن مش مهم اسمى المهم انى شهيد ، مت فى احداث يناير الاولى لما كانت ثورة حقيقية والجميع ايد واحدة ، لما كان مينا بيصب المية علشان اتوضى واصلى الظهر واحنا فى التحرير ودة كان قبل استشهادى بيوم بعد ما سلمت على امى بالتليفون ، استشهدت بس فرحت بعد كدة ان المخلوع اتخلع وغار فى داهية وان مرشح الفلول سقط فى انتخابات الرئاسة

 

 

وبعدين حصل اللى حصل مابقتش مرتاح فى نومتى ، اللى حصل ياهل مصر هو دمى راح بلاش ، الكل خارج براءات وحسنى كمان على الابواب ، مش كان هتافنا كلنا فى التحرير الشعب يريد تطهير القضاء ، دلوقتى القضاء بقى خط احمر طيب ازاى

 

 

هى مصر هانت عليكوا تانى تبيعوها للى سرقوها ، يعنى دمى راح هدر ، طيب ماتبنوا وتعمروا بدل المولوتوف والطوب ، اللى كان اصلا المفروض يبقى ضد المخلوع واعوانة بس كانت سلمية ، دلوقتى تبقى نار وضرب فى المليان لية ياثوار ، يعنى دمى راح هدر

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *