مين هيزود

مين هيزود
مين يزود

كتب- رنده جبران :

فكر بقي دلوقتي في مصر

ماتفكرش في شخص وبس

فكر بكره هايبقي ازاي

متعتم ولا ماهوش جاي

أنت معاند ..وهو معاند

وأنا بينكم واقف في النص

مش راح يخسر غيري وبس

أنت تزايد ..وهو يزايد

مين هيزود..مين هايزايد

بقي  بالذمه هي دي مصر

زود..زود مين هايشيل

يالا دي فرصه ماتتعوضش

يالا تعالي ألحقلك حته

أصل بلدنا  مليون حته

يالا تعالي قرب بص

شوف وأتملي وقول

اااااااااااااه يامصر

قرب قرب بص وشوف

حاجه صحيح تستاهل الشوف

بقي بالذمه هي دي مصر

قرب قرب يالا ياذوق

خدلك حته جرب دوق

مصر دي كانت عاليه لفوق

نزلوا بيها لسابع أرض

مين هايزود ..مين هايبيع؟

مين متعذب..مين هايضيع؟

احنا وبس

يالا ألحقلك حته يابيه

يالا ياباشا السعر دا مغري

أرضي المتر بربع جنيه

مين هايزود مين هايبيع

يالا ياباشا فلوسك حاضره

خدها وشيلها كده علي البركه

يالا يا افندي خلاص هنبيع

قرب..قرب بص وشوف

خدلك حته من التورتايه

أصل التورته دي والله وصايه

بقي بالذمه هي دي مصر

كانت صخره قويه وصلبه

واقفه وشامخه وسط الكون

دقوا عليها بأيد الهون

مابقاش في 80 مليون

واتفرقنا مليون حته

قرب..قرب بص وشوف

يالا خلاص مابقاش في خوف

احنا ضعفنا

فمتعملش انك مكسوف

كله بيلعب علي المكشوف

يلا يا ذوق جرب دوق

عاند بردو…وهو يعاند

زايد يالا….وهو يزايد

وأنا بينكم واقف في النص

تايه بينكم ضايع شارد

مش راح يخسر غيري وبس

فكر بس شويه في مصر

فكر صبح وظهر وعصر

ماتفكرش في شخص وبس

فكر فيها هي وبس

ماتحولش بلدنا مزاد

دق جرسها وقول بزياده

مش عاوزين من حد قياده

احنا هنملي وطنا سعاده

كله يروح..كله يغور

مش هانبيع بلدنا لحد

ماتكفيش ملايين الارض

أصلها غاليه علينا بجد

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *