احلم ببكره

احلم ببكره
بكرة احلى

كتب- رنده جبران:

أحلم ببكره وارسمه وقوله ياريت يجي أوام
وفهمه مايتوهش في وسط الزحام
أحلم بيوم أجمل وأحلي
وبكره جي مختلف ..
أحلم بدنيا تروق وتحلي
وقلوبنا طاهره مخضره

..

احلم بجنه من الخيال
واهو بكره جي مش محال
والصعب نقدر نهزمه
والحزن احنا نعلمه
انه مايقضيش علي الجمال

والصبر راح نتعلمه
ايه طعم شيء يجي بسهوله
ايه طعم فرحه لو كسوله
دا نجاحنا لو من غير تعب
عمره مايوم يبقي نجاح

ولو انتهي منا الامل
نصبح كطير مكسور جناح
عمره ماراح يقدر يطير
وحلمه عمره مايوصله

احلم بكره وارسمه ولونه بلون المحبه
دي الدنيا لو من غير محبه
عمر ماهيكون في براح
والكل فيها يختنق
وقلوبنا لو مافيهاش صفا
تصبح كغابه ونحترق

ليه نفنرق؟؟
واحنا يدوب لسه بنبدأ الحياه
احلم ببكره وارسمه ولونه وخلي للضحكه مكان

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *