عايزة أصرخ

عايزة أصرخ
عايزة اصرخ

كتب- فاطمة الشرقاوى:

عايزة أصرخ باعلى صوت

عايزة اقول لليل يفوت

ده الشمس غايبة من سنين

نفسي تطلع من التابوت

..

عايزة الاقى للحق مطرح

مش كلمة بس تتقال فى مسرح

عايزة اّخد حقى منك

وانت تاخده منى هسمح

..

عايزة احلم يوم فى نور

مش كل حلمى أشوف النور

عايزة الاقى الليل معدى

و شعاع نهاره بدأ يثور

..

عايزة اشوف بينكوا السلام

مش كلمة بيها يحلى الكلام

ده كلام كتير بتعيدوا فيه

ما لقينا فيهم فعل تام

..

عايزة لسة حاجات كتيرة

بس كلمة ومش أخيرة

صوتكوا فى الحق اوجدوه

حتى لو كلمة فى مسيرة

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *