هي الأميرة

هي الأميرة
قلبي

كتب- محمد يسري:

انا اللى دايما بيت شعر

عاشق بعانى من السحر

قلبى شبه موج البحر

مالوش غير شط واحد

مهما قرر انه يهاجر

بيحب بكل جنون

بنت هى الجمال

تراب العشق فى اعالى الجبال

 غروب الشمس فى هدوء البحار

هى هوى الشوق و نور النهار

كل طيور الوجد و غرام الاسحار

هى الجنة و هى النار

حنين السنين و مشاعر الاعصار

هى لحن هايم فى ملامح حورية

 غنوته ارق من كل احاسيس الحنية

هى اجمل من الطبيعة

لا خضرة و لا بحار و جبال

هى الأميرة

كل قلب مقبوض من احتلال الحيرة

كل احساس بالغيرة

كل توهان فى العيون

هى الجنون

صوت بيجمد كل الاصوات

بيلمس الروح و بيجسد الهالات

بيحفر فى كل صور الذكريات

هى السكرات

لما الهجر ينادى على وجودها

لما بفتكر خفة دمها و هدوءها

ولا ضحكتها

نبض حياتى فى جنتها

جميلة و لكن روحها هى الجمال

رقيقة و لكن صوتها هو الحنان

ذكية و لكن عقلها هو الادمان

صعب عشقها على اى انسان

اغرب لوحة ممكن يرسمها فنان

مع القدر هى الأميرة

و انا هفضل حيران

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *