خالد النبوي يدعو إلي عمل وقفة “مصر محدش يتحرش بيها” داخل ميدان التحرير

خالد النبوي يدعو إلي عمل وقفة “مصر محدش يتحرش بيها” داخل ميدان التحرير
14201318201658

كتب- نهال مجدى:

بدأ النجم خالد النبوى، منذ قليل، أولى حلقات التواصل المباشر من استوديو اليوم السابع مع جمهوره، حول الحملة الدعائية التى أطلقها قبل 4 أسابيع لمواجهة التحرش، والتى حملت اسم “مصر ما حدش يتحرش بيها”.

قال النبوى فى هذا السياق “حملة مصر محدش يتحرش بيها انتجنا من خلالها 4 فيديوهات قام علي إعدادها فريق يتكون من 70 واحد..فتخيلوا مصر كلها محتاجه كام واحد يعملوا علشانها ولما فكرنا مين اللي بنتحرش بيها ممكن تكون الممرضة اللي بتعالج هذا المتحرش فيما بعد.

وفكرة العلم مع البنت جاءت من خلال نزول البنات إلي ميدان التحرير ومحاولة البعض التحرش بيها فلقينا ان العلم هو رمز لدفاع البنت عن نفسها”.

وقال أيضآ “مصر فيها حاجات كتير غلط علشان كده قمنا بثورة يعني مثلا احنا بنتحرش بالأرض الزراعية اللي منها اكلنا ونبني عليها وبعدين نروح نشحت من غيرنا شوية دولارات، بنتحرش بأثارنا ونبيعها، بنتحرش بكل شئ في بلدنا بنتحرش بمصر كلها، لازم ننتبه ونفكر اننا نزرع أكلنا وما نشحتهوش علشان نتقدم لقدام، احنا بنتحرش بالشارع وبنرمي فيه زبالة، المدرس بيتحرش بتلاميذه، مفيش مؤسسة ولا سلطة فيها ميثاق شرف أخلاقي”.

هذا وقد دعى خالد النبوي إلي عمل وقفة “مصر محدش يتحرش بيها” داخل ميدان التحرير وقال “المرأة هي صورة مصر و قلبها”.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *