الحب المستحيل..

الحب المستحيل..
حب

بقلم – محمد لطفى :

انا عشت قبلك كام سنة

ولا دقت يوم طعم الهنا

وكنت بسال مين انا

مين انا

عارفك بقالى كام سنة

من غير لقاء ولا همهمة

ولا كلمة حتى صغيرة ولالمسة منك ليا انا

شكلك فى بالى انما

امتى هاقبلك ربما

بكرة انهاردة حتى انا

شفتك فى بالى من سنة

صوتك فى ودنى قال انا

انا اللى هى من السماء

نزلت عليا بحسها

قالت انا اللى اشتقتها

بس ميعادى فات انا

قلت القدر كتب اللقاء

حتى ولو كان ملتقى

دة اخرة نار متشوقة

حاسس كانى اعرفك

حاسس كانى بوصفك

شفتك كمان قبل اللقاء

شفتك فى بالى من سنة

شفتك فى بالى كتير ساعات

شفتك تملى وذكريات

تجمعنى بيك ويا اللى فات

تسالنى لية اقول ساعات

كنت اشوفك فى الخيال

احكى واقول وتقول كمان

ما انا اصل نسمة من زمان

جاية فى وقت الاحتمال

فية اللقاء صعب المنال

كان وجة زى ملاك تمام

تملى اشوفة فى المنام

يحكى معايا من زمان

انا عارف انة مستحيل

اخدك فى حضنى واطير اطير

بس اعمل اية من الاهات

والحب عدى خلاص وفات

سبنى احلم من سكات

واعيش ولو حتى ساعات

اعيش ولو حتى ساعات

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *