عن الماضى

عن الماضى
nsguitaristlt5

كتب- فاطمة الشرقاوى:

عن الحاضر عن الماضي
و عن شوقي و عن بكرة
بقول ساكت و اقول راضي
لكني اشتقت للذكري
و شوقي تعبني ع الفاضي
لا طايل يومي و لا بكرة

..

و بستسلم لاحلامي
.. و بنسج من خيوطها وشوش
حلمت اشوفها قدامي
خيوط حلمي مبيكفوش !!

..

و اراجع الزمن تاني
و اقول كم وقت عدي و فات
الاقي ساعات بتحكيلي
و فاكراني سامع في سكات
تقولي علي اللي فات م العمر
و انا و لا سامع الدقات

..

انا اوقاتي واقفة عليك
و بعدك في الزمن حواديت ..
لكن في سطورها مش بلاقيك
فبهجر بعدك الحواديت!!

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *